watchinexile

Славен быв в житии, державне Николае,
Славнейший явился еси во страдании твоем,
Еже за Христа претерпел еси святе,
Со сродники твоими и верными боляры и слуги,
Яко земный оставль престол,
Небесному днесь предстоиши Всецарю,
Егоже моли о стране твоей
И людех чтущих твою память многострадальне.

Величаем вас, страстотерпцы святыя
И чтим честная страдания ваша,
Яже за Христа претерпели есте.

Величаем вас, Апостоли Христовы Петре и Павле,
весь мiр ученьми своими просветившия,
и вся концы ко Христу приведшия.

Величаем Тя,
Живодавче Христе,
И чтим Всесвятаго Духа Твоего,
Егоже от Отца послал еси
Божественным учеником Твоим.

Взыде, яко звезда, от востока до запада
Твоя мощи, святителю Николае,
Море же освятися шествием твоим,
И град Барский приемлет тобою благодать:
Нас бо деля явился еси чудотворец изящный,
Предивный и милостивый.

Воскресение Христово видевше,
поклонимся Святому Господу Иисусу,
Единому Безгрешному,
Кресту Твоему покланяемся, Христе,
и Святое Воскресение Твое поем и славим:
Ты бо еси Бог наш,
разве Тебе иного не знаем,
имя Твое именуем.
Приидите вси вернии,
поклонимся Святому Христову Воскресению:
се бо прииде Крестом радость всему мiру.
Всегда благословяще Господа,
поем Воскресение Его:
распятие бо претерпев,
смертию смерть разруши.